TURA: West Garo Hills a·jani Deputy Commissioner Swapnil Tembe-ko Education department-ni joint secretary, School Education & Literacy-ni director aro SSA-ni special project director dake sorkari ra·jitataha.
Sombar salo, Personnel aro AR (A) Department-ni Commissioner & Secretary R Lyngdoh-ni u·iatani gitade, East Garo Hills a·jani Deputy Commissioner Jagdish Chelani-ko West Garo Hills a·jani Deputy Commissioner dake kam ra·jitatskaaha aro Sports & Youth Affairs department-ni Deputy Secretary Vibhor Agarwal-ko East Garo Hills a·jani Deputy Commissioner dake ra·jitatskaaha.
Indake ong·engon, South West Garo Hills a·jani Deputy Commissioner Gideon Kharmawphlang-koba Eastern West Khasi Hills a·jani Deputy Commissioner dake sorkari kam ra·jitataha.
West Garo Hills a·jani Deputy Commissioner Swapnil Tembe-ko re·anggipa 2022 bilsiosan East Garo Hills a·jaoniko West Garo Hills a·jaona kam ra·jitbaahachim ine nikna man·a.
