SHILLONG: National People’s Party (NPP)-ni national president aro Meghalaya a·dokni Chief Minister Conrad K Sangma-ko Budbar salo Congress dolni dilgiparang, Bharatiya Janata Party (BJP)-na chakgipa ine matnangataha.
Prime Minister Narendra Modi-ni kosako Rahul Gandhi-ni agangipa kattarangna uko matnange kema bi·china aganahani gimin Chief Minister Conrad K Sangma-ko BJP-na chakgipa ine Congress dol matnangataha.
Uni agangipa kattarangan uko BJP-na chakgipa ine mesokani ong·a ineba All India Congress Committee (AICC) matnangataha.
Iani bidingo kobor ra·timgiparang baksa agangrikengon, NPP-ni national president Conrad Sangma, BJP baksa bak donggipa ong·a aro election-ni somoio NPP aro BJP-ni gisepo matnanggrikanirangara dakmikanisan ong·aia ine AICC-ni media coordinator Bobbeeta Sharma matnangataha.
MDA sorkariko tangka paisa jakkalsreta ine matnangenga ong·ode CBI ba ED-chi sandirokaniko dakatna nanga ineba ua BJP-ko ra·biataha.
