BAGHMARA: Azadi Ka Amrit Mahotsav 2.0-ni ning·o dingtangmancha Financial Literacy & Promoting Digital Transaction at GP/AEC Level-na nationwide campaign-ko Budbar salo, Meghalaya State Rural Livelihood Society (MSRLS)-ni gita South Garo Hills a·jaoba Baghmara-ni NIC Hall-o a·bachengataha aro ia campaign-ko South Garo Hills a·jani Deputy Commissioner S Awasthi, mongsonggipa sokgipa ong·e a·bachengate on·angaha.
Ia program-ko a·bachengatani somoio South Garo Hills DRDA-ni Project Director R Ch Marak, SGH SMM-FI-ni Lead District Manager J Rymbai, SBI, MRB aro MCAB-ni branch manager-rangba dongpae bakko ra·angtokaha.
Ia program-ko ong·atanio dingtangmancha Best Performing Business Correspondence award-ko Baghmara Block-ni Jethina Sangma-na aro Best Performing Bank Sakhi-ko Baghmara Block-ni Mitna Marak-na on·angenba, ge 5 micro ATM-rangko sak 5 Business Correspondence Agent-rangba sualatjolaha.
Self help group-rangna bang·bate loan application-rangko on·ahani gimin dingtangmancha SBI Gasuapara-na Best Performing Branch-ni award-koba ia tom·anio on·angaha.
