SHILLONG: Prime Agriculture Response Vehicle (ARV)-rangko Bristibar salo, a·dokni Chief Minister Conrad K Sangma, Upper Shillong-o donggipa MAMETI-o a·bachengate on·angaha.
Ia ARV-rangko a·bachengate on·angani somoio a·dokni Agriculture and Farmer’s Welfare Minister Ampareen Lyngdoh aro Agriculture department-ni official-rangba dongpae bakko ra·angtokaha.
Ia Prime Agriculture Response Vehicle scheme-ara diltugipa songadam nokadamrango game ge·e cha·enggipa manderangna bosturangko salna dakchake on·enggipa scheme ong·a aro ia scheme-ni ning·o bol 200 garirangko, 50 percent subsidy gnang dingtang dingtang cooperative society-rangna, self help group-rangna aro farmers producer organisation-rangna on·enga.
Ia ARV-rangko a·bachengate on·angani somoio a·dokni Chief Minister, jinmana aganprakangengon, a·doko songdongenggipa manderangoni 80 percent-de game ge·e cha·giparangan ong·a aro game ge·e cha·enggipa manderangko dakchakna gita a·dok sorkari, dingtang dingtang program-rangko a·bachengate on·enga ine parakangaha.
Gnigipa gadango bol 200 Prime Agriculture Response Vehicle-rangko suale on·angkugen ineba ia tom·anio Chief Minister parakataha.
