U·IATTIMGIPAONI
SHILLONG: South West Garo Hills, Ampati district-ni ning·o donggipa Mahendraganj-oni Aningpara, Domapara, Katuligre, Kambakpara songrangona PMGSY scheme-chi tarianggipa ramarangko matchotgija tong·dipet galchipaha ine Garoland State Movement Committee (GSMC) matnangataha.
Ramarangko matchote tarija baksana dolong rikgipakoba matchotgija galchipaha ineba GSMC matangataha aro kamrangko matchote ka·e on·china gitaba dabiaha.
Indake ong·engon, galchipe donenggipa kamrangni bidingo nirokatchina gita re·anggipa jaon Ampati DC, Executive Engineer-rangna GSMC-ni u·iataniko dakahachim indiba da·alona kingking maming ja·ku de·anikon nikkuja ineba parakataha.
RTI ka·anio nikrikani gitade, rama tariani tangka-paisarangko Zikzak-ni MDC Aktar Ali, oke ra·tokaha ine nikaha. Uni gimin kamrangko matchote ka·e on·jaode GSMC Zikzak Unit mamingsaloba nie dongjawa aro dosi donggipani kosako raken ja·ku de·gen ineba mikrakataha.
A·jolni manderangko indake cha·boke cha·aniko chinga ra·chakna man·ja, kamrangko chu·sokate on·jaode, uni kosako ja·ku de·gen ine GSMC parakaha.
