U·IATTIMGIPAONI
Shillong: Chief Minister Conrad K. Sangma Sukrobar salo Khartarshnong Laitkroh C&RD Block-ona namroroanina dingtang dingtang ja·ku ga·gipa aro bilakdapatani programme-rangni gita chu·sokaniko man·enggiparangko nina wenangaha. Songsalo economic gadang dal·roroani gita songdonggiparangko bilakatna aro a·dokko tang·doatna sorkarini on·kanggipa wenangao kan·dike agan-talatangaha.
Sangma-ni wenanganio dingtangmancha Laitmawsiang aro Laitsohpliah-o kam ka·enggipa Mahatma Gandhi National Rural Employment Guarantee Act (MGNREGA)-o gisiko nangbatataha. Ua He engaged in interactive sessions with the Job Card-rang donggipa, Self Help Groups (SHGs), aro Village Organizations (VOs) baksa agangrikani session-rango dolgnian dongpae bakko ra·angaha. MGNREGA scheme-ni gamchatani aro songsalo uarangni namgnirangni gimin agangrikaha, aro songo donggiparangna namgniko aro dal·roroaniko man·chape sorkarini on·kanggipako chu·sokatna nipilangaha.
Uni sorkarini Laitryngew songna niksamsoaniko Chief Minister agan-talate on·angaha, “Dingtanganina rika choani project-rango aro a·bachengatanirang jeon songtangni janggi tangani gadangko tang·doatna man·gen iarangna chinga gisiko nangbatenga. Iarango bi·sarangna kal·chakram park-ko tarina aro Garden of Cave Park-o gym-ko kulina chanchapataha. Souvenir bosturangko ong·katna machine-rang aro jakkalani bosturang baksa uamangna on·anganichi Village Organisation (VOs)-ko bilakdapatangna chinga committee-ko songaha. Economic gadangko tang·doatna toursim-o janggi tangani chol ramarangko bikote cha·angna chinga gisiko nangbatenga. Dingtangmancha park-ni ning·o ringrangko tariangna, garirangko donchakna biaprang, paikanarang aro ja·achi regipa ramarangko tariangna chinga ra·chakaha.
Umiam Viewpoint-o chu·sokgipa model-oniko salgipa noksako namnikangaha, Tynam Masi Viewpoint-o donggipa dokanrangko bilakdapatna, nina re·bagiparangna namgipa dongtogipako ong·katatna chingni miksongani nisan ong·a. A·dokni gamchatgipa mingsinggipa biaprangko tang·doatna tourism a·bao gimikni gita namdapatani man·atna chinga gisiko nangbate promote ka·anggen.”
“An·chingni a·dok bilsi 45 gapani a·bachengo, tangka 30-35 kror-rangni fund-rang baksa sak 5,000 me·chikrangni self help group-rangko bikotna man·aha. Batanggimin bilsi 5-o National People’s Party-ni MDA sorkarini somoio komibeoba sak 45,000 self help group-rangko bikotdapangan baksa bang·a chu·sokanirangna sakkiko man·angaha aro ia self help group-rangna dakchakna tangka kror 500-ko chamaha aro on·angaha. Ringani china neng·nikaniko man·enggipa biaprangna namate on·ani cholna songdonggiparangni mol·molana knachake sorkari Sohra Water Suplly scheme-ni ning·o tangka kror 48-ko botangna chamaha jedakode kan·dikgipa somoio water suplly project-ko a·bachengatna man·gen. Angni nama skaniko na·siamangna chu·sokataniko man·atna on·anga, ia project-rangko chu·sokatna nangnikgipa dakchakaniko on·angna chinga chadenga,” ine Laitsohpliah-o songni manderangna aro SHG-ni membor-rangna CM aganangaha.
