WILLIAMNAGAR: Williamnagar-o donggipa Loyola College-o Book Fair-ko July 25 tarikoni 27 tarikona ong·atenga ine kobor on·aha.
Ia Book Fair-ko Loyola College, Guwahati-ni Eastern Book House (EBH) baksa nangrime ong·atenga aro iano dingtang dingtang manderangni segimin ki·taprangko palenga ineba kobor on·aha.
EBH-ko chalaigipa Vijay K. Sharma-ni u·iatani gitade, ia Book Fair-o dingtang dingtang gadango poraigipa chatro chatrirangna ki·taprangko man·gen; jekai Science, Commerce, Arts, Law, Engineering, Medical aro Bi·sarangni poraiani ki·taprangkoba man·gen.
Ia Book Fair-ko a·bachengate on·angani somoio Loyola College-ni Principal Fr Philip Abraham, rimchaksoani kattarangko aganangengon, ia Book Fair-ko ong·atani miksonganiko jinmana talate on·angenba, lekka poraianiko ranta ka·rongchina gita chadamberangko aro mongsongbate chatro chatrirangko didiangaha.
Ia Book Fair-ko a·bachengatanio East Garo Hills a·jani Additional Deputy Commissioner Ripamchi N Sangma, mongsonggipa sokgipa ong·e jinmana aganprakangskaengon, ki·taprangko poraijringanichi mandena u·ianiko, gisikni gita chanchina changaniko aro apale miksonganirangko bariata ine iandakgipa Book Fair-ko ong·atrongchina didianiko on·angaha.
Ia Book Fair-ko July 27 tarikona kingking pring 10:00 bajioni attam 4:00 bajiona kulienga.
