SHILLONG: Sombar salo, a·dokni Chief Minister Conrad K Sangma, Ri Bhoi a·jani Umdihar songo Prime Hub baksana Pineapple Processing Unit-ko, jolni MLA Celestine Lyngdoh aro MDC Macdalyne Mawlong baksa kulie on·angaha.
Ia Prime Hub-ko kulie on·angani somoio a·dokni Chief Minister, tom·anio dongpae bak ra·giparangna aganprakangengon, dingtang dingtang gadango bading chiwalgiparangko tang·doatna nangengani gimin didiani kattarangko aganangaha.
“Ia Prime Hub-ara bading chiwalaniko tang·doatna a·bachengatgipa cholsan ong·aija indiba dingtang dingtang gadangni dingtang dingtang dolrangko uamangni batanggimin somoirango chu·sokana bate namdapatani cholsa ong·enga,” ine Chief Minister aganaha.
Bading chiwalaniko ra·doanio aro joltangtango kuligipa enterprise-rangko dakchakanio integrated village cooperative society (IVCS)-rangni mongsonggipa kamrangni gimin talataniko on·angengon, “IVCS-rangara an·chingni songrango bading chiwalani gisikko ong·katatna dakchakgiparang ong·a,” ine Chief Minister parakataha.
Chief Minister-ni E-Championship Challenge program-ni gimin talataniko on·angskaengon, ia program-ni ning·o nambatsranggipa sak 100 bading chiwalgiparang, tangka paisani gita boksisrangko man·an baksana an·tangtangni bading chiwalanirangko tang·doatna gita loan-rangkoba man·a ine Chief Minister parakataha.
IIM Kolkata gita dakgipa institute-rang baksa nangrime kamrangko ka·enga ine janapatengon, iandakgipa institute-rang baksa bakrime kamko ka·anichi bading chiwalgiparangna training-rangko on·an baksana pilak nanga dakchakanirangkoba on·na man·enga ine Sangma parakataha.
