U·IATTIMGIPAONI
SHILLONG: BSF Meghalaya-ni 50th Batallion, Sonibar sal August 26 tariko South West Garo Hills District-ni Balughat Govt Primary School-o Free Medical Camp-ko ong·ataha. Civic Action Programme-ni gita sima ari jol sepango donggipa manderangni an·seng-baljokaniko nirokani gita ia camp-ko ong·ataha. Indake camp-ona sak 200 baten sagiparang sokako BSF-ni aro Community Health Centre Mahendraganj-ni doctorrang nirokangaha.
Program-o free health checkup ba indin sanna bannaniko on·angan baksa neng·nikao ga·akgipa-rangna sam-bolrangko suale on·angaha. Balughat, Kalaichar aro Lukaichar jolo donggiparang bang·an camp-ona indin on·gipa sanna bannaniko ra·na re·angaha. Indake ong·-engon songni manderang aro nokma, sima ari jolo BSF Meghalaya-ni medical camp-ko ong·atanina BSF-ko de·mittelangaha.
