U·IATTIMGIPAONI
SHILLONG: Bharatiya Janata Party (BJP) Meghalaya unit-ni ku·wattimgipa HM Shangpliang, National People’s Party (NPP)-o napna skaniko parakmanaha ine Mongolbar salo, NPP-ni dilgipa aro a·dokni Deputy Chief Minister Sniawbhalang Dhar parakataha.
Dhar-ni parakatani gitade, Shangpliang NPP-o napna skaniko parakahaoba re·baenggipa 2024 bilsini Lok Sabha election-o Shillong parliamentary constituency-oni susana gita tikitko man·gen inede NPP-ni dilgiparang ku·rachakaniko on·skakujaenga maina Lok Sabha election-o susana gita NPP-ni tikitna susaenggipa manderang bang·en donga.
Shangpliang-ko NPP-o rimnapani bidingo NPP-ni dilgiparang apsan asonge chanchirimchenggen ineba Dhar parakataha.
Lok Sabha election-na Tura parliamentary constituency-o candidate-ko susaatani bidingo janapatskaengon, da·o ong·enggipa Tura-ni MP Agatha K Sangma-kon Tura-ni candidate seoktaiani cholrang dongenga ine Dhar parakataha.
Meghalaya Pradesh Congress Committee (MPCC)-ni president Vincent H Pala-ba mikkang bilsini Lok Sabha election-o NPP-ni tikitchi susana nangnikenga ine manderangni gisepo jangbingbanganirangkoba a·dokni Deputy Chief Minister aro NPP-ni dilgipa Dhar jegalataha.
