U·IATTIMGIPAONI
TURA: Chatro chatrirangna bading chiwalani cholrangko mesoke on·na gita re·anggipa Mongolbar salo, NEHU Tura Campus-ni BioNest – B31 TEAM-ni gita Entrepreneurship Awareness program-ko Tura-ni Don Bosco College of Teacher Education-o ong·atangaha aro ia program-ko ong·atanio Tura Don Bosco College-ni B.Sc, B.Com aro BA Economics-o poraienggipa fifth semester-ni chatro chatrirang bak ra·angtokaha.
Ia Awareness program-ko ong·atanio NEHU Tura Campus-ni ning·o donggipa B21 Facility-ni CEO Dr Suman Kumar Nandy, mongsonggipa skigipa ong·e bakko ra·angaha aro ua bading chiwale cha·ani dingtang dingtang cholrangni bidingo aro bading chiwalanio nanggipa gunrangko chatro chatrirangna agan-talate on·angaha.
Iana skang, Tura Don Bosco College-ni Principal Fr Bivan Rodriques Mukhim, rimchaksoani kattarangko aganangengon, sorkarini kamrangko tikate on·na neng·engahani gimin bading chiwale cha·ani cholrangkoba sandina nangengani gimin aganangaha.
Bon·kamao mittelpilani kattarangko Don Bosco College-ni ning·o donggipa Commerce Department-ni Assistant Professor Namsang K Marak aganangskaaha.
