U·IATTIMGIPAONI
TURA: International Millets Year-ko maniani bak gita South Garo Hills a·jani Krishi Vigyan Kendra (KVK), dingtangmancha Millet Recipe Contest ba misi song·susaaniko Baghmara Block-ni ning·o donggipa Nengkong songo ong·atangaha.
Ia misi song·susaanio songni sak 50 me·chikrang bakko ra·angtokaha aro chegiparangna dingtangmancha boksisrangko suale on·angaha.
Ia program-ko ong·atanio dongpae bakko ra·anggipa manderangara, NABARD-ni DDM Chongtham Khelchandra, Baghmara C&RD Block-ni JRDO Peter Marak, Baghmara MSRLS-ni BPM Sengsrang Marak aro gipinrang ong·a.
