U·IATTIMGIPAONI
TURA: South Garo Hills, Baghmara Zone-ni Niksamso Garo Community Organization (NGCO), apsan district-o Sibbari-oni Eringgre Road-ona dakgipa ramako taritaianirang namjani bidingo matnangataha.
Ramarangko namgija tariani gimin suk ong·gijaniko janape rama tarianiko talate on·china contractor-ko organization didiaha. NH-62-ni ning·o man·gipa PWD ramani giminba sing·anirang sokaha.
Indake ong·engon ua rama kam ka·a namjani bidingo Deputy Commissioner-na aro SDO-na lekka sedona dol chanchiaha.
