U·IATTIMGIPAONI
SHILLONG: Meghalaya Sorkarini ge·songgimin State Level Public Grievance Committee (SLPGC), Chairman Pongseng R. Marak-ni dilanio aro gipin sak chi·gittam member jerangkon Co-Chairman aro Vice-Chairman dake songahachim, uamang mijal September 8 tariko Main Secretariat building-o skangipa changna tom·e chanchirimangaha ine Meghalaya Sorkarini Member Secretary, SLPGC, I.W.Ingty, IAS u·iataha.
Manderangni badi ka·anirang aro u·iatanirangni bidingo ia Committee chanchirimaniko dakangaha aro dingtang dingtang chanchianirangko ra·agataha.
Uamangni chanchie ra·chakgiminrang gita, State Level Public Grievance Committee-ni gita Committee-na bang·a daito aro bilrangko on·china sorkario mol·molaniko dakgen jedakode Manderangni badi ka·atanirangko SLPGC-ni gita sorkariona sokatna man·gen.
SLPGC-ni dongani aro kam ka·anirangko manderangna u·iatna Sorkari nanggipa ja·ku de·anirangko dakgen. SLPGC-ni gita ba uamangni portal-ko taritaie manderangna dakchakanirangko on·na tik ka·aha.
Dingtang dingtang sorkari department-rango kam ka·giparangko rakkie da·o dongengipa dolko mangrakdapatchina sorkario mol·molaniko SLPGC dakangna tik ka·aha.
On·enggipa dakchakanirangko somoi gita sokatna SLPGC mangsongani ong·a, jedakode manderang uamangni nangnikan somoirango sorkarioni dakchakaniko man·gen.
Manderangni badi ka·atgipa aro u·iatanirango sorkarini gita SLPGC bilakgipa aro nambatgipa pangchakani ong·e dakchakaniko on·na miksonge kamrangko ka·anggen.
