U·IATTIMGIPAONI
SHILLONG: A·doko 108 ambulance service-rangko chalaina gita Health department, radio taxi-rangko a·bachengatako namnikbatenba bang·gija somoirangna skango tender-rangko watmanaha ine matnanganiko Health Minister Ampareen Lyngdoh jeataha.
Dakkigiparang baksa pre-bid meeting ba tom·aniko dakon, jeba radio taxe operator-rangna department-ni gita maming chol on·chengani dongjawa ingipako department-an talata ine Lyngdoh aganaha.
“Jedakgipa agency ba je rokomni garirangnaba dingtang dake chol on·chengani dongjawa. Iani bidingo chingni Pre bid tom·anion chinga dakkigiparangna rongtalen aganman·jok,” Minister aganaha.
Ambulance-rangni palo department, radio taxi-rangna chol on·batenga ine manderang chanchisretenga, jeon mongsongde ia kamo dakkigiparangko bang·batatnasa radio taxi-rangnaba dakkianio bak ra·china gita chol on·asachim, Lyngdoh aganaha.
RFP lekkaon indake janapaha je ambulance ba radio taxi ba Mobile Medical Unit aro ambulance donggipa nambatkala cholko man·gen, maina ian Emergency service-na ong·a,” Lyngdoh agandapaha.
Chinga, radio taxi-rangnaba cholko on·enga. RFP document ba lekkao nikna man·gen je, ambulance ba radio taxi ba Mobile Medical Unit-rang cholko man·gen. Indake ong·engon, Emergency service-rangna ong·ani gimin abulance donggiparang on·tisa chol dongbatgen, Health Minister aganaha.
Unaskang, 108 ambulance service-na tender-rangko on·anio, jaksapgimin radio taxi-rangko napatna am·enga ineba mittam dakkigiparang jajrenganiko parakahachim.
