U·IATTIMGIPAONI
SHILLONG: Re·baenggipa 2024 bilsio ong·atna sienggipa Lok Sabha election-na candidate-rangko seokna skangba a·song gimiko politics-ni gita ong·enggipa obostarangko name nichengenga ine Sukrobar salo, Trinamool Congress (TMC) parliamentary party-ni dilgipa Mukul Sangma parakataha.
“Da·o dipetde chinga obostarangko name nichengkuenga indiba somoi ong·ahaon chinga iani bidingo jinma apsan chanchirimanggen,” ine Sangma aganaha.
TMC-ba I.N.D.I.A alliance-o bak ong·paengani gimin Meghalaya a·doko Lok Sabha seat-na apsan candidate-ko songna miksonganirang dongama ine sing·on, a·songni pilak biaprangon ia sal somoirango politics-ni gita dingtanganirangko nikna man·enga aro ia dingtanganirango pangchakesa nangani kri ja·kurangko de·anggen ine Sangma parakataha.
“Chinga da·o dipetde senge nikuna nanggen maina da·o chinga senggija skatang agangenchimoba uan chingna kragijani ong·gen,” ine ua aganaha.
Indian National Development Inclusive Alliance ba I.N.D.I.A alliance-ara India a·songo dol 28 political dolrangni nangrimgimin dolrang ong·a aro iako Indian National Congress (INC) dilengachim ine nikna man·a.
