MRSSA Amendment Bill-ko UDP rimchaksoa

U·IATTIMGIPAONI SHILLONG: Meghalaya Resident Safety and Security Act (MRSSA) Amemndment Bill bidingo seachi on·ako nangnike ma·mongni aganchakanitaniko United Democratic Party (UDP) rimchaksoa. “MRSSA-ko chu·sokatna nanggipani bidingo ma·mongoniko nama aganchakataniko man·soaha ine Chief Minister, Sukrobar salo parakataha. Ian maiba namgipa mingsa a·dokna ong·gen,” ine UDP General Secretary Jemino Mawthoh Sonibar salo aganaha. “A·dokni dingtang dingtang dolrangni gimin chinga agana ong·ode, uamang gimikan MRSSA-na chakpagipa ong·a, ine ua agandapangaha. “Chief Minister ma·mongoniko signal ba namgipa aganchakani chinko man·soaha ong·ode, ian maiba namgipa miksongani ong·enga aro iani bidingo an·ching rakbate kamrangko ka·angna nangenga. MRSSA-na nangchapgiparangni dingtang dingtang nanganirangna an·ching ku·cholsan ong·aniko sandina nangenga,” ine ua aganaha. “MRSSA-na maiba dakgipa namdapataniko nangenga ine na·a nika ong·ode hai apsan cholko sandina aro hai an·ching mikkangchina re·mikkangangna.” Meghalaya Resident Safety and Security Act (MRSSA)-ni bidingo ma·mongoni aganchakataniko a·dok sorkari man·soaha aro iani bidingo maidake re·chakatna nanggen iana sorkari ja·ku de·anggen ine Chief Minister Conrad K Sangma Sukrobar slao aganaha.