U·IATTIMGIPAONI
SHILLONG: Marak-rangba A·dokko sason ka·aniona sokbana man·gen ine BJP vice president, Bernard Marak mijalo aganaha.
Lok Sabha election-rango Tura parliamentary-ko Sangma nokdangni jakkepaniko BJP bon·atna man·genma ine sing·anina BJP vice president ia kattarangko aganaha.
Indakeba nikatna man·a je, Lok Sabha election-rango Tura Parliamentary seat-ko Sangma nokdangan ru·uta bilsirangnan jakkepe dongenga aro Congress dilgipa Deborah Marakna agrede darangba Agatha Sangma-ko amnagitik dakgipan dongkuja.
Anga an·tangko Tura Lok Sabha seat-na susaatna miksonge aganengade ong·ja ine talate aganengon, unigisepon party nangnika ong·ode ua poll-o susanaba donga ineba ua agandapaha.
Indake ong·engon, ua indakeba aganaha je LS poll-o susaatna gita party-o kragipa dilgiparang bang·en donga aro party nambatgipa candidate-kosa susaatgen, Marak aganaha.
