U·IATTIMGIPAONI
SHILLONG: Adita salrangna skang, North Eastern Hill University (NEHU) Tura campus-ni hostel damsao, chatro saksako kragija dake ‘ragging’ ba kal·ake rogipa manderangni kosako ja·kuko de·na NEHU-ni Vice Chancellor PS Shukla ku·rachakaniko on·ataha.
Ia a·selni bidingo NEHU-ni anti-ragging committee-ba tom·aniko ong·atangaha aro chatro saksako kragija dake kal·ake roanio jak donggipa manderangni kosako rakgipa ja·kurangko de·na tik ka·angaha.
Ia a·selni bidingo sandirokaniko dakna gita adita salrangna skangsan NEHU-ni gita investigation committee-ko songahachim aro ia committee-ko Prof Lucy Zehol dilengachim.
NEHU-ni Vice Chancellor PS Shukla-ba Tura campus-ona re·bae, university-ni official-rang aro Tura-ni police-rang baksa iani bidingo chanchirimangenba, ia obostako namatna gita pilak nanga kamrangko ka·enga ine ku·rachakaniko on·angaha.
Indake ong·genchimoba, da·o ‘ragging’ ka·a man·gipa chatro, an·tangni nokona re·angahani gimin ia a·selni bidingo sandirokenggipa dolrang neng·nikanirangko chagrongna nangenga ine kobor on·aha.
Ia a·selni bidingo sandirokna gita NEHU-ni dilgiparang, sakgittam membor donggipa committee-koba songaha aro ia sakgittam membor-rangoni saksade Shillong campus-oni, saksade Tura campus-oni aro saksade NEHU Students body-oni ong·a.
Ragging ka·gipa manderangko rim·a man·ahaon, uamangni kosako rakbatsranggipa ja·kurangko de·gen ineba Prof Shukla ku·rachakaniko on·ataha.
 |
ReplyForward
|
