U·IATTIMGIPAONI
AMPATI: South West Garo Hills a·jani sorkari Lower Primary (LP) skulrango assistant teacher-ni kamna dorgasto galgipa sak 115 candidate-rangko ra·chakjaha ine SWGH a·jani Sub-Divisional School Education Officer (SDSEO) parakatenba, ia candidate-rangko maini gimin ra·chakjaha uko office-ni notice board-o tape donahani gimin candidate-rang, November 16 tarikni gisepon office-ona re·ange, jegala man·gipa candidate-rang aro a·selrangko niena man·gen ine u·iataha.
“Sak 115 candidate-rangni dorgastorangko ra·chakjahani gimin talaniko nangenggipa aro taridapna nangenggipa candidate-rangde November 16 tarikni gisepon Ampati-ni SDSEO office-ona re·ange notice board-ko niena man·gen indiba ia tarikni ja·mande maming jegalani ba taridapani cholrangko on·na man·jawaha,” ine SWGH a·jani SDSEO parakataha.
Dorgasto galanio chu·sokgipa candidate-rangni bimingkoba November 16 tarik attamni 4:00 bajio, office-ni notice board-o tape dongen ine u·iatskaengon, seoka man·gipa candidate-rangna personal interview-ko November 20 tarikoni a·bachenggen ine Ampati-ni SDSEO parakatenba, an·tangtangni serial nombor aro interview-ni tarikrangko SDSEO office-ni notice board-oniko nie ra·echina candidate-rangko didiataha.
