U·IATTIMGIPAONI
TURA: Chatro chatrirangna dingtang dingtang kamrangko ka·ani bidingo talate on·na gita Mongolbar salo, Dalu Phukan Memorial College-ni IQAC, 100 Battalion BSF dol baksa dingtangmancha Career counseling program-ko college-o ong·atangaha aro iana agreba ia apsan salon dingtang dingtang program-rangkoba ong·atangjolaha.
Ia program-ko ong·atanio college-ni computer lab-koba oprake on·angjolaha aro ia program-o Phukan Memorial College-ni chatro chatrirang aro BSF-ni dingtang dingtang official-rangba bak ra·angtokaha.
Ia program-ko ong·atanio college-ni chatro chatrirang, A·chikrangni ring·ani, Wangala chrokani, Koch jatni chrokani, Hajong jatni chrokani aro Bengali jatni chrokanirangkoba mesokangaha.
Ia program-ko ong·atanio 100 Bn BSF-ni Commanding Officer AK Tiwari aro gipin official-rang, Phukan Memorial College-na bolgittam computer desktop-rangkoba on·gilangaha.
Ia program-ko ong·atanio Phukan Memorial College Dalu-ni Principal Dimseng K Marak, jinmana aganprakangengon, ia program-ara u·i-ma·sie ra·gipa manderangoniko skie ra·ani programsan ong·aija aro program-o bak ra·giparang aro ia program-ko ong·atgipa manderangni gisepo agangrikanichi u·i-ma·sie ra·ani cholba ong·a ine parakangaha.
Ia college-na computer-rangko on·gilangan baksana college-ni chatro chatrirang baksa somoiko re·ate uamangni gamchatgipa ku·pattianirangko on·angahani gimin ua 100 Bn BSF dolkoba mittelpilangaha.
Ia program-ko IQAC-ni Coordinator aro English Department-ni Assistant Professor Tangkame K Sangma sokachakaha aro tom·anio 100 Bn BSF-ni Deputy Commandant, Assistant Commandant aro dingtang dingtang official-rangba bak ra·angtokaha.
Bon·kamao mittelpilani kattarangko English Department-ni Assistant Professor Sanchaita R Marak agane, ia program-ko matchotataha.
