U·IATTIMGIPAONI
SHILLONG: A·dok, batninggipa sabisirangko warachakanio ba mikkangchakanio ru·utgijan namen rang·speaniko man·gnok, maina NEIGRIHMS-o rikenggipa critical care block, mikkang jadokni gisepon matchotgnok.
NEIGRIHMS Director Prof. Nalin Mehta-ni koborna parakani gitade, sak 150 manderangna tuchakani a·dam gnanggipa critical care block-o COVID gita dakgipa batninggipa sabisi saginchirangko sangen, aro dingchikbate nirokanirangko dakanggen.
Institute-ni ka·dongsoani gitade, ia project-ko donsogimin somoina skangan matchotgen.
Ia critical care block-ko Pradhan Mantri – Ayushman Bharat Health Infrastructure Mission (PM-ABHIM)-ni ning·o chamatgipa kror 180 tangkarangchi rikenga, COVID-19 gita dakgipa batninggipa sabisi saginchi man·giparangko sangen.
Indake ong·engon, ia block-o matchotaha ong·ode ia indakgipa sabisi sokgenchimoba pangna gita hospital-o sangiparangko simsakanio maming nangchakeani dongjawaha.
