U·IATTIMGIPAONI
SHILLONG: State Energy Efficiency Index-o name dakaniko nikani gimin, Meghalaya-na, State Energy Efficiency Performance Award (Group 4)-o gnigipa award-ko National Energy Conservation Awards (NECA) 2023-o on·aha. Indake mijalo Vigyan Bhawan, New Delhi-o program ong·atgipao ia award-ko Indiani President Smt. Droupadi Murmu pakwatangaha.
Ia award-ko man·aniara, Meghalaya-ni bijoliko ripingna aro chu·ongatna gita kam ka·anio kimkimaniko mesokaha. NECA, uamangni bilsini tom·aniko “National Energy Conservation Day”-ni salo ong·atronga, jeon name dakgiparangna award-rangko ba boksisrangko on·ronga.
Ia National Energy Conservation Day aro Awards-ko, India Sorkarini Ministry of POower-ni ning·o, Bureau of Energy Efficiency (BEE)-ni gita ong·atrongenga, jekon Energy Conservation Act 2001-ni gita Indiao bijolirangko chu·ongatna aro ripingna gita kamrangko ka·enga. Bilsirikkitan December 14 tariko programko ong·ate award-rangko on·rongenga.
Meghalaya-na on·gipa award-ko a·dokni Power Minister Pa Abu Taher Mondal, mijalo Vigyan Bhawan, New Delhi-o program ong·atgipao Indiani President Smt. Droupadi Murmu-ni jakoniko ra·chakaha.
