U·ATTIMGIPAONI
SHILLONG: Meghalaya gita scheme-rangko chu·sokatenggipa a·dokrangna dakchakatenggipa project-rangko bariatchina aro on·dapchina a·dok sorkari Ma·mongko mol·molaha.
Chief Minister Conrad K Sangma, mijalo Prime Minister Narendra Modi aro Finance Minister Nirmala Sitaraman-ko grongaha.
Uni Prime Minster-ko grongao namroro-silroroani kam, programme aro dingtang dingtang programme-ni gadang aro kamrangko a·dok maikai ka·enga uarangni gimin che·em che·em una aganao Chief Minister Conrad K Sangma indake aganaha, “Uarangni gimin pilakkon janapgimin report-ko on·aha aro mesokaha aro ua a·doko dingtang dingtang rokomni kamrang chu·sokaniko nike kusi ong·beaha aro batanggimin bilsi bongao chu·sokana bate dunagni duna gittam a·doko gimikni gitan namroro-silroroaniko nikna ua dingtangmancha kusi ong·beaha,” ua agandapaha.
“A·dokna chingo donggipa niksamsoaniko aro chingni taria donggipa dingtang dingtang nisan ka·anirangko anga una aganaha aro re·baenga bilsi bongao chingni nisan dongiminrangko chu·sokatna uni aganpaaniko aro dakchakaniko angaha amaha,” chief minister aganaha.
“Gitalgipa Shillong township-ko dakna arfo administration songjinmana niksamsoaniko anga una aganaha jeon chinga gitalgipa administrative city aro secretary-ko rikna miksongenga aro alamala tarigipa design-rangko miksonggipakoba chinga una aganaha aro mikkangchina ja·ku de·mikkangenggipa ua project-na uni dakchakchinaba uko aganaha uni gita pilak bil ama gita dakchakna ua ka·dongataha,” ua agandapaha.
Uni gnigipa Finance Minister Nirmala Sitaraman-ko grongani gimin ua aganao “Chini kam ka·enggipa externally dakchakgipa project-rangchi India sorkari dingtang dingtang a·dokrangna dakchakenggipa capital investment fund-chi kam ka·enggipa dingtang dingtang project-rangni gimin aro gipin namdapani kamrangko ka·enggipani gimin anga una aganaha,” ua aganaha.
I requested the Finance Minister to support us further in the externally aided project-rango chinga dakchakangkuchina anga Finance Minister-ko mol·molaha maina a·dokrang externallu aided project-rangko kam ka·na man·gen India sorkari dingtang dingtang a·dokrangna award-ko on·a uni gimin chinga ceiling-ko bariatchina aro Meghalaya gita chu·sokatenggipa a·dokrangna project-rangko on·dapatchina chinga uko mol·molaha maina chinga bang·a project-rangko chu·sokataha uni gimin chinga dakchakaniko man·gen mol·molaha,” ua aganaha.
Finance Minister, name aganchakaha aro bil ama gita dakchakna ua ka·dongataha, ua aganaha.
“Jekon chinga dingtang dingtang nisanrangko chu·sokatna man·aha aro Meghalaya a·doko chinga nisanrangko donenga uarangna chinga Finance Ministry aro Prime Minister-oniko chinga dakchakaniko amenga,” ua agandapaha.
