TURA/SHILLONG: India a·songni skanggipa Tribal me·chik President Droupadi Murmu, da·al Sombar salni bako Meghalaya a·dokona sokbaengahani gimin Tura aro Shillong songjinma damgnion, una chel·-chakanirangko on·na aro uko rimchaksona gita tarisamsomanaha.
Da·al Sombar salni bako a·songni President, Tura-ona sokbaani ja·man, chang 5-gipa Meghalaya Games-ko Tura-ni PA Sangma Stadium-ko nokdonggae on·anggen aro adita salrangna skang gital nokdonggagipa Tura-ni Raj Bhavan-o walsa waltuenba, Mongolbar pringo ua Shillong-ona joljol re·angskagen.
A·songni President-ko rimchaksona gita Tura aro Shillong songjinma dam-gnion tarisamsoanirangko matchotmanaha aro ramarango una chel·chaka-nirangko on·na gita wa·arangchi kapengsoaha.
Tura aro Shillong song-jinma damgnion, ramarango kam ka·giparangni aro dingtang dingtang gittim-rango songdongenggipa manderangni rongtal an·talatanirangko aro dingtang dingtang dake taritilonganirangchi nitoatanirangkoba nikna man·aha.
Police-rangni u·iatani gitade, da·al Sombar salni bako a·songni President-ni sokbana kontasa skangan, Tura songjinmaona dakba-gipa rama aro pilak rama bibrarangon gari gora-rangni re·ruraanirangko dontongatchenggnok indiba ambulance aro uandakgipa nangchong-motana re·ruraenggipa gari gorarangkode re·na on·aigen.
Apsan daken, Mongol-bar salo, a·songni Presi-dent Droupadi Murmu, Tura-oni re·ongkatangna kontasa skangan rama-rango gari gorarangni re·ruraanirangko dontong-atchenggnok aro uni re·ongkatangani ja·mansa gari gorarangko..
watpiltai-gnok. Mongolbar salo a·songni President, Shillong-ni ALG-o biloneani ja·man Mawphlang Sacred Groves-ona re·anggen aro dingtang dingtang project-rangko Shillong songjinmao a·bachengate on·angenba attamo ua, Shillong-ni Raj Bhavan-o ong·atenggipa program-o bakko ra·angskagen.
