Dobu PHC-o ASHA aro ma·giparangni scheme-ko man·tokkuja ine matnanga

WILLIAMNAGAR: East Garo Hills a·jani Dobu Primary Health Centre (PHC)-ni ning·o ASHA-rangni aro ma·giparangni dingtang dingtang scheme-rangko 2018 bilsionin man·tokkujaenga ine saksa Tambu Sangma minggipa mande matnangataha. Ia mandeni matnanga-tani gitade, ASHA-rangni man·gni aro ma·giparangni man·gnini bidingo East Garo Hills a·jani District Medical & Health Office (DM&HO)-o RTI ka·e sing·sandion, ASHA bene-fit scheme aro Meghalaya Maternity Benefit Scheme (MMBS)-ko chu·gimik on·aha ine aganchakaniko on·ahachim indiba iani bidingo mitam ma·gipa-rango sing·sandion, ua-mang 2018 bilsirangonin ia scheme-ni man·gnirangko man·tokkujaenga ine paraktokskaahachim.
“Angni RTI ka·anina aganchakanirang kakket ong·ama ong·ja uko am·sandina gita mitam ASHA-rango aro ma·gipa-rango sing·sandion, ua-mang bang·batan 2018 bilsionin an·tangtangni man·gnirangko man·tokku-jaenga ine aganaha. JSY-ara ma·mong sorkarini on·eng-gipa scheme ong·a aro MMBS-ara recognize ong·gipa hos-pital ba PHC-rango bi·sa an·pakani ja·man ma·gipa-rangna a·dok sorkarini on·enggipa scheme ong·a-chim indiba Dobu PHC-ni ning·o ASHA-rang aro bi·sa an·pakgipa bang·a ma·-giparangan an·tang-tangni man·gnirangko man·tokku-jaenga,” ine Tambu Sangma parakataha.Dobu PHC-osan ong·ai-gja East Garo Hills a·jani dingtang ding-tang PHC-rango ASHA-rang aro bi·sa an·pakgipa ma·giparang, an·tang-tangni man·gni-rangko man·ama man·tok-jaenga, uko uamang am·sandienga ineba Sangma parakataha.