Shillong: Border Security Force Meghalaya-ni Seema Praharis, Indo-Bangladesh sima ario dongenggipa jinma manderangna dangdike on·ani gita, Civic Action Programs cum Free Medical Camp-ko sima arini dingtang dingtang biaprango ong·ataha.
Seema Praharis 172 Bn, free medical camp cum civic action programme-ko International sima ario Sh Vinod Kumar Thapliyal, commandant 172 Bn-ni dilanichi ong·ataha. Ua camp-o BSF-ni Doctor-rang indin health checkuop-ko ka·aha, aro simi ari ning·o donggipa song Jaijori, Kuliang aro Sankhat-ni manderangna indin samrangko sualaha Sima arini sepango donggipa songni sak 300 batpile manderang ia medical camp-oniko bang·a namgnirangko man·aha. Civic action programme-ni gita ge-11 ba·ra skaani machine-rangko sima arini sepango donggipa Meghalaya, East Jaintia Hilss district-ni songrang jekai Umkiang, Dona, Laijuri aro Huroi ong·a, uno donggipa me·chikrangna on·aha.
Iana agreba Meghalaya BSF, 100 Bn-ni Seema Praharis, Civic Action programme-ko ong·ataha aro Weapon Exhibition-ko Meghalaya-ni East Khasi Hills district-ni ning·o ga·akgipa Ryngku songna ong·atangaha.
BSF, pangnan sima arini sepango donggipa jelbra jelsrugipa manderangna dakchakaniko on·aha, aro indake kamko ka·ani gimin ua jolni manderang Border Security Force-ko uamangni dakchakanina mande ra·aha.
Meghalaya-ni BSF, Civic Action Programme cum free Medical camp-ko ong·ata
Date:
Share post:
