SHILLONG: Regional party ba joltangni political dolrangan Tribal manderangko chel·chakgiparang gita ong·a ine United Democratic Party (UDP)-ni working president Paul Lyngdoh parakataha.
District council-rangni bilko ra·sekna jotton ka·ani bidingo adita salrangna skang, Congress dolni dilgipa Rahul Gandhi-ni aganani ja·man Lyngdoh, ia kattarangko aganskaaha.
Gandhi-ni agangipa kattarangna aganchakaniko on·angengon, national party-rangni skanio chu·gimikkon pakwate on·genchimode uamang an·tangtangni skani gitasa kamrangko ka·aigen ine Lyngdoh parakataha.
Congress dolni bilo ong·engmiting somoio, Anti Conversion Act-ko ra·gatani a·selan ua a·dokrango da·o Congress an·tangan sikkimna nangenga ineba UDP-ni dilgipa aganaha.
“Uni gimin angni nikaniode joltangni political dolrangan bichal ka·anio nambatgiparang ong·a. Joltangni political dolrangan a·brirango songdongenggipa Tribal manderangko chel·chakgiparangba ong·a,” ine Lyngdoh aganaha.
Constitution-ni Sixth Schedule-ko taridapna miksongenggipani bidingo a·dok sorkari, an·tangni chanchianiko on·atmanaha ineba ua aganaha.
Sixth Schedule-ko taridapanio district council-rangni bilko ra·sekna jotton ka·anirang dongama ine sing·anina aganchakaniko on·angengon, ‘unrepresented tribes’ ingipa katta dongani giminsa jegaltokenga ine UDP-ni working president parakataha.
Joltangni political dolrangan Tribal-rangko chel·chakgiparang: Paul Lyngdoh
Date:
Share post:
