SHILLONG: Assam aro Meghalaya sima-arini bi-dingo manderang uamang-ni nikani gita agana man·a indiba jensalo sorkarini ge·gnini gisepo agangrika-ni ong·taigen unon chan-china nangako chanchie kamko ka·gen ine a·dok sorkari mijalo aganaha.
“Jemangan agangrik-gen uamang pangnan gi-siko chanchiningani dong-gen aro namaba ong·bo ong·jabo uamangni chan-chianirang namaigen anga ua mandeni gimin agana nangnikja,” Chief Minister Conrad K Sangma aganaha.
Assam Minister Atul Bora-ni Assembly-o sorkari Assam-ni a·ako jaksisaba Meghalaya-na on·jawa ingipa katta a·dokni mande-rangko gisik saatani gimin aganao ua aganaha.
Assam sorkari niam bidikni gita man·gimin a·ako Meghalaya-na galenga ine Independent MLA Akhil Gogoi aganaha.
“Sorkari ge·gnini gisepo jensalo agangrikani ong·-gen unon sorkari ge·gni chanchigen. Mandeni gita manderang agana man·a uni gimin anga maming-koba agana sikja” ine Sangma aganaha.
Meghalaya, Assam-ni a·ako ra·sekenga ine mat-nanganina, badia a·ako ra·sekenga ine ua aganenga anga ma·sija uni gimin sorkari ge·gni agangrik-enga aro anga uni gimin agana sikja,” ua aganaha.
Assam aro Meghalaya km 884.9 a·dok ning·o sima-arirang baksa dam 12 ma·sigipa a·jolrango ru·uta bilsirangna golmal ong·e dongenga. A·dok damgni 2022 March jao dam a·jolrango meligrikgijagipa sima-ariko namatna New Delhi-o Union Home Minister Amit Shah-ni dongpao agree-ment soi ka·aha. 36.79 sq km golmal dongenggipa a·jolrangoni dam dok biaprangko skanggipa bako namatani ong·engaha, Assam 18.46 sq km aro Meghalaya 18.33 sq km-ko man·aha.
Assam-M’laya sima-arini bidingo sorkari ge·gni chanchie kam ka·gen: CM
Date:
Share post:
