SHILLONG: Re·anggipa bilsini January aro November jao gimik gimang ra·sekgimin koelarangko nilam ka·aha aro West Khasi Hills District-o dakia chegipana 1,79,281.289 metric ton-ko on·ataha.
Re·anggipa bilsini January aro November jarango 39,395.31 MT aro 1,39,885.979 MT dingtang dingtang dake nilam ka·aha.
Janapgimin nilam ka·gipaoniko koelarangko ra·angna gimik gimang 5,119 salangani challan-rangko on·aha aro January 2024-o nilam ka·aoniko gong 34,93,68,087 tangkarangko sorkarini revenue-ko man·soaha.
Nilam ka·aoni, dakiaoni gong 26,86,63,252, royalty-gong 5,58,72,575 aro cess-gong 2,48,32,260 tangkarangko royalty, GST, GST compensation Cess aro gipin skotongrang gita dingtang dingtang revenue skotongrangni ning·o sorkari gimik gimang tangkarangko man·soani bon·changaha.
Janapgimin nilam ka·ao dakie chegiparangna jemangan ra·sekgimin koelarangko supply ka·a ua bil gnanggipachi GST revenue-oniko man·a nanggipa chu·gimik tangkako sorkarina gamgen.
Mineral Resources Director-ni inspector sing·na re·bao koela-ni in-charge Magistrate-ni kam ka·anichi (34,000 MT) ong·nasipilgipa koelako a·dok jekon nilam ka·aha uni kosako 2,000 MT ton-kosan CIL depot-o dongaiako nikani ja·mano da·o Maweit-o depot-ko songna nangaha.
Maweit CIL depot-ni bidingo a·bachengao TheShillongTimes songbadna district-oni u·iatani gitaha aro challanrangko jakkale a·dok gimiko niam gri koelarangko jakgitele salna on·e koelani bang·ani kri man·a nanga tangkana bate maikai man·a jotton ka·enga. Challan-rangna badita tangkarangko gamaha uamangna on·pilna nanggen ine aganaha.
Koborni gita depot-o da·o 2,000-3,000 MT koelarang donga CIL-ni ja·rikna nangchonggipako ja·rikjaenga koboro aganaha.
“CIL-ni bil on·gipa salanggipachi biaponiko depot-ona salangna man·gen. Bil on·gipa weight bridge-oniko weight challan-rang joksretgija cholrangko ra·bana nangchongmota. Indakeba mamingan daka dongja,” koboro aganaha.
