Sana banani cholrango matnangatani report-ko on·a helpline number-ko parakata

SHILLONG: Health centre-rangni chalaianirangko aro nirokanirangko nam-batatna technology bosturangko jakkalangan baksana a·doko sana banani cholrangko on·anio maiba dakgipa neng·nika-nirangko chagronga ong·-ode report-ko on·a helpline number-rang baksa ra·bana a·dok sorkari chanchienga.
“Chingna ta·rake feedback-ko on·a man·a chinga gimik dakgipa point-rangko nianggen aro toll free line ian namen namgipa chanchiani ong·a aro anga iako angni officer-rangna on·gen aro nibo iako a·bachengatna man·a ong·ode,” ine Sukrobar salo Health Minister Ampareen Lyngdoh aganaha. “Uamang mitam chanchie nigiparangko angni ma·sianiona ra·baaha jeon adita nangchongmot-giparangko ta·rake dakna nanggipaona ra·baaha. Uni gimin anga DMHO-ko sing·aha, 8-gipako bakrime niechina watataha aro chinga maming dakgipa neng·niko ong·katatna nangnikja,” ine HYC Sohiong-ni member-rangko grongao Health Minister aganaha.  Maiba dakgipa bak-rango namdapaniko nang-nika ong·ode uarang-ko chingona agane on·aniko chinga nangnika,” ine ua agandapangaha.
“An·chingni institution-rango uamangan mikkang-chakao kam ka·giparang ong·e adita hospitality-ni skill-rangko skie ra·angna man·a dingtanga dingtang PHC aro CHC-rangni staff-rangko watatna chinga ruuta somoioni chanchia aro indakgipa programme-rangko dingtang dingtang mamlarango namroroatna adita re·chakatanirangko dakangtaina uamangni changa sapaniko on·gen,” ine Health Minister u·iataha.  Uamangni gimikni gita sokachakaniko nam-dapatna short term programme-o anga staff-ko watatenga jedakode ong·-chongmotgipa kattarangko manderang man·gen,” ine ua aganaha.
Uni parakatani gitade, dingtang dingtang angle-rangoni ra·bianirangko ia centre-rang chagronang-gen, namgipa ong·na ian staff-rangna mongsong-gipa ong·enga, songdong-giparangni nangnikaniko ma·sichakna aro namgipa bewalo rimchaksoangna maina uamang an·senggija saa dinga gnang re·baenga aro uamang gisiko so·sojengjeng ong·manesa re·baenga aro ia sinjeta-nirang negative ong·atjan an·ching man·a nanga aro ian centre-rang gimiko an·chingni dakna nanggipa ong·enga.” Maiba dakgipa-rangna neng·nikaniko man·e matnangatna nang-gipa cell-ko bilakatna man·-kujaenga, ine ua u·iatanga.