TURA: South Garo Hills a·jani Siju jolo rikgipa power distribution sub-station-ko maming a·sel gri baditaba bilsirangna galchipe donaha ine Federation of Khasi Jaintia & Garo People (FKJGP) Siju circle parakatenba, Siju jolo songdongenggipa manderangna bijoliko nambate on·na man·na gita ia sub-station-ko ta·raken matchotatenba chalaichina MeECL-ni official-rangko aro a·dokni dingtang dingtang minister-rangko didiataha.
Iani bidingo FKJGP Siju circle-ni dilgiparang, a·dokni Education Minister Rakkam A Sangma, Power Minister AT Mondal aro MePDCL East Garo Hills Division-ni CEO-na memorandum-koba on·angaha.
Siju-o rikgipa power distribution sub-station-ko indita bilsirangna galchipe donahani a·sel ia biapo buring dikkripe dongengaha ine janapatengon, ia sub-station-ko basako rika matchotgen aro basako chalaina a·bachenggen ine FKJGP Siju circle-ni dilgiparang sing·doataha.
South Garo Hills aro Siju jolrango songdongenggipa manderangna bijoliko nambate on·na man·na gita ia power sub-station-ko ta·raken matchotatchina aro chalaichina gitaba FKJGP Siju circle didiataha.
Siju-o rikgipa power sub-station-ko ta·rake chalaichina FKJGP dabia
Date:
Share post:
