SHILLONG: Robibar attamchibara, Meghalaya a·dokni dingtang dingtang biaprangoba mikka balwa ta·rakangaha aro uandaken bang·bata biaprangon nok-jamrang nosto ka·ako man·tokaha.
Koborko on·ani gitade, Ri Bhoi a·jaoba balminduri balanganichi te 60-na baten nok-jamrang nosto ka·ako man·tokaha aro Ri Bhoi a·jao Umshalani aro Umsalliang songrang nangchakeaniko man·bataha.
District official-rangni u·iatani gitade, balminduri balanganichi Umshalani songo te 35-mangni gita nokrang nosto ka·ako man·angaha aro Umsalliang songoba te 25-na baten nok-jamrang nosto ka·ako man·angskaaha.
Meghalaya a·dokni bang·bata biaprangon balminduri balanganichi, bolrang aro kutcha nokrang bang·en nosto ka·ako man·angaha.
Meghalaya a·dokni skotong Shillong songjinmaoba mikka baksana balwarang ta·rake balangaha aro bang·bata biaprangon bijolirangba nosto ka·ako man·aha ine kobor on·aha.
Apsan daken, Tura jillaoba balminduri balanganichi dal·dalgipa bolrang be·aha aro bijoli line-rangba nosto ka·ako man·tokaha.
