TURA: Pa Togan Vibhag, Garo Hills-ni Akhil Bharatiya Vidyarthi Parishad (ABVP) karyakarta-rang ba worker-rang South West Garo Hills-ni Mahendraganj-o donggipa Jawahar Navodaya Vidyalaya (JNV)-ona re·ange nirokeaniko dakon obosta namsranggijaniko nikeaha ine matnange aganaha.
“Chinga ru·utgija somoirangna skango Jawahar Navodaya Vidyalaya (JNV)-ni hostel-ni obostarangko nirokeaha. Chingni re·ange nirokeon hostelni obosta namsranggijaniko nikenba chinga jagokman·pilaha, maina uano bosturangni gitcham-gipu ong·aniko, be·arangko aro simsakgijaniko nikeaha. Cha·chak-ringchakramkrango mitchi-mitchok rongtalgijanirangko nikeaha, jeon hostelo donggiparangna cha·ani-ringanirangko on·engachim” ine organization aganaha, aro nambate nirokatchina gitaba dabiangaha.
Indake hostelni obostangni bidingo organization, school Principal, Abdul Gani-koba gronge agangrikaha, jeon organization uni aganchakanirangko chu·ongnikade ong·jaha. Da·omitingo tarianirangko nikenchimoba, organization, uarangko chu·onge nikjaha.
Indake ong·engon, tarina nangenggipa kamrangko chu·sokatchina aroba namedake chalaina man·na gita rakgipa niamrangko ra·gatchina dabienba organization, JNV, Mahendraganj School-ni authority-rangna jasana somoiko on·aha.
Iandakgipa obostarangara hostelo donge poraigiparangna aro faculty member-rangna namja, unigimin nangenggipa pilak kamrangko niroke somoi on·gimino matchotatchina gitaba organization didiaha.
