TURA: Autonomous District Council (ADC) donggipa Sixth Scheduled a·jarangode deputy commissioner (DC)-rang, caste certificate-rangko on·na bil dongjachim indiba Garo Hills-ode ru·utbea bilsirangonin ia niamkosa ja·rikskaenga ine Robibar salo, Tura-ni MDC aro BJP-ni state vice president Bernard N Marak talataniko on·atenba, Garo Hills-o songdongenggipa Scheduled Tribe (ST)-rangnade Garo Hills Autonomous District Council (GHADC)-ni gitasa Tribal Certificate-ko on·skachina didiataha.
“Deputy Commissioner-rangde je biaprangon Autonomous District Council (ADC)-rang dongja, uandakgipa biaprangosan caste certificate-rangko on·na man·aiachim indiba Garo Hills-ode Sixth Scheduled a·jao ga·akgipa biap ong·genchimoba Scheduled Tribe-rangnaba DC-rangan caste certificate on·skaenga,” ine Marak parakatenba, ian a·brirango songdongenggipa Tribal-rangni bilko pe·ani ong·enga ine talataniko on·angaha.
Marak-ni parakatani gitade, DC-rangara general category-o ga·akgipa sorkarirangni pal kamko ka·gipasa ong·e, Sixth Scheduled a·jao donggipa Scheduled Tribe-rangnade lekkarangko on·ani bil dongjachim.
“Garo Hills-o songdongenggipa manderangna pilak nangchongmotgipa lekkarangko on·ani bilde Autonomous District Council (ADC)-rangosa ong·a, uni gimin a·brio songdongenggipa A·chikrangna on·gimin bilko rakkiangkuna gita Schduled Tribe Cerficate-ko GHADC-ni gita on·china anga mol·molenga,” ine Tura-ni MDC, GHADC-ni Secretary-na sedoataha.
Sixth Scheduled a·jao songdongenggipa manderangni atchiani aro sianiko a·dok sorkario ong·gija GHADC-osa register ka·na ba segatna gita nanga ineba Marak didiataha.
“Sixth Scheduled a·jarangode primary health centre-rang GHADC-ni ning·osa ong·a aro maming saloba a·dok sorkarina pakwata dongja. Sixth Schedule-ni niamrango pangchakesa civil hospital-rangko, medical college-ko, child & maternity hospital-ko aro wellness centre-rangko on·aha. Uni gimin Garo Hills-o songdongenggipa manderangni siani aro atchianiko GHADC-o segatna a·bachengatchina anga didienga,” ine Marak, GHADC-ni Secretary-na sedoatgipa chittio janapataha.
 |
ReplyForward
|
