BAGHMARA: Sorkarini on·enggipa sanna banani cholrangko indin ra·na man·na gita Pradhan Mantri Jan Arogya Yojana (PMJAY) aro Megha Health Insurance Scheme (MHIS)-ko Aadhar baksa link ka·china sorkari, South Garo Hills a·jao songdongenggipa manderangko didiataha.
Hospital-rango admit ka·a man·ani somoirangosa bang·bata manderangan PMJAY ba MHIS gita dakgipa cholrangko ra·na biming segatrongaiani gimin an·tangtangni namgnina iandakgipa scheme-rangko ra·na register ka·enba Aadhar baksa link ka·china songni nokni manderangko didiataha.
Ia scheme-rangna biming segatani bidingo talataniko on·angengon, PMJAY-ko Aadhar baksa link ka·anian South Garo Hills a·jao ia scheme-ni namgniko ra·na seoka man·gipa manderangko mesokani ong·a aro Aadhar-na biming segatanichi cholgri ong·gipa manderang PMJAY-na biming segate gong 5,30,000-ona kingking sanna banani cholrangko indin ra·na man·gen ine sorkari official-rang parakataha.
PMJAY-na biming segatahaon, Aadhar baksa link ka·gimin PMJAY card-rangko South Garo Hills a·jani manderang, sorkarini seokgimin a·jatangni hospital-rango aro a·song gimikon sanna bananirangko indin ra·na man·aignok ine official-rang parakataha.
South Garo Hills a·jao PMJAY aro MHIS-na biming segatani aro Aadhar baksa link ka·aniko, Baghmara Civil Hospital (District Kiosk) ba a·jani je CHC ba PHC-rangoba dakna man·gen ineba official-rang u·iataha.
