TURA: ICAR-KVK, West Garo Hills, June 1 tariko ‘World Milk day’-ko bi·sarang baksa uamangni campus-o maniangaha. World Milk Day-ko pangna bilsian June jani 1 tariko dairy industry-ko mittelpilskana aro dutko nangchongmotgipa ba gamchatgipa cha·ani ine ra·chakna gita manironga.
Dut-ara an·chingni salanti janggi tanganio be·en-bimangna baditan gamchata, iani bidingo ‘World Milk Day-o u·ianiko on·ronga. World Milk Day-ni mongsonggipa mik-songaniara mandeni be·en-bimangna dut baditan gamchata iani gimin u·iatna ong·a. Dut, an·chingni bimangna nutrition-ko on·a. Ia salko skanggipa United Nations-ni Food and Agriculture Orga-nisation, manderangna dut-ni gamchataniko u·iatna ong·atchengaha.
KVK, ia bilside world milk day-ko Sangsanggre songoni bi·sarang baksa maniangaha. KVK-ni Dr. Tarun Kr Das, CTO, Agricultural Extension aro Dr. Sagarika Borah, STO, Animal Science – uamang bi·sarangna dutni gam-chataniko agane on·ang-aha. Sangsanggre songni VEC President Mr. Enalson Ch Momin, programo mongsonggipa sokachak-gipa ong·e bakko ra·-angaha. Indake programo bak ra·gipa bi·sarangko salantion dut glassprak ringchina didiangaha. Sa-lantio dut ringaniara bimangna badita gamchata iako skie on·aha aro matchu mangsakode jilchina didiangaha. Program matchatao KVK’s Dairy farm-oni man·gipa dutko bi·sarangna glassprak on·angaha.
