SHILLONG: June 4 tariko vote chanangani somoio 2-Tura constituency-ni ning·o dam district- gimiko ge-244 table-rang aro 1-Shillong Parliamentary constituency-ni ning·o dam 7 district gimiko chu·-gimik ge-369 table-rangko vote chanao jakkalanggen.
Pilak Political party-rangni manderang baksa Chief Electroral Officer uni chamber-o chanchiriman-iko dakaha. Lok Sabha 2024-na 2024 bilsini June 4 tariko vote-rangko chanangani bidingo agan-talate on·anganiko dakaha.
Vote chananiko pring 8 bajioni a·bachenggen. 1-Shillong (ST) PC-ni ning·o dam 7 district- gimiko ge-369 table-rangko aro 2-Tura (ST) PC-ni ning·o dam 5 district gimiko ge-244 table-rangko jakkalanggen. 15-Mawlai Assembly bang·batgipa elector ong·anio vote chananiko round 9-ona dakanggen.1-Shillong PC-na ge-8 Counting Centre-rang donggen aro 2-Turan PC-na ge-5 Counting Centre-rang donggen.
Election Commission of India-ni gita sak 18 Counting Observer-rangko donaha, (sak 12 1-Shillong-na aro sak 6 2-Tura PC-na). Shillong aro Tura parlia-mentary constituency-rangni voter-rang uamang-ni gitalgipa MP-rangko seokanggnok aro Shillong-ni dal·begipa salna East Khasi Hills district-ni District Administration Shillong-o vote-ko chana pilak nanga-rangko tari-samsoaha.
ECI-ni guideline-rango pangchake Counting Centre-rango gadang 3 daje chelchakaniko dongen aro ning·ao CAPF-chi nirokanggen aro samgni a·palo a·dokni police dolchi nirokanggen.
ECI guideline-rangni gita a·pal zone-o garirangko donjawa aro Election Returning Officer-rangna aro susaenggipa candidate-rangna dingtang parking biaprangko dongen. Poli-tical party-rangni counting agent-rangko salbae dona aro rimangpilna nanggen, counting centre-rangona Identity card donggipa manderangsan napaigen.
