SHILLONG: Knal June-ni 4 tariko Lok Sabha election-ni result-rangko parakatna siengahaon, chegipa dolrangni aro candidate-rangni chee jinma re·jomaniko champengna tik ka·aniko East Khasi Hills District Administration ra·galatpilaha.
Dingtang dingtang political dolrang, candidate-rang aro gipin dolrang baksa DC office-o tom·e chanchirimangani ja·man, chegipa dolrangni aro candidate-rangni jinma re·jomaniko champengna tik ka·aniko District Administration ra·galatpilaha.
Election-o chegipa dolrangni aro candidate-rangni re·jomaniko champengani dongjawaha ine kobor ra·timgiparangna talataniko on·angengon, iana District Administration-ni dongimin niamrangko Sombar salo parakatskagen ine East Khasi Hills a·jani Deputy Commissioner aro Shillong Parliamentary Constituency-ni Returning Officer SC Sadhu parakataha.
Chee re·jomna sienggipa ramako District Administration-na see on·skachina uamang dingtang dingtang political dolrangko didiataha ineba Sadhu parakataha.
Jinma re·jomanio maming so·sojengjeng ong·anirang dongjana gita an·tangtangan simsak nirokchina gitaba political dolrangko didiataha ine Sadhu aganaha.
Election-ni result-rangko parakatani ja·man chegipa dolrangna aro candidate-rangna re·jomna cholko on·engahani gimin Voice of the People’s Party (VPP) kusi ong·aniko parakatskaaha.
Jinma chee re·jomanio maming so·sojengjeng ong·atani kamrangko ka·jachina gitaba VPP-ni dilgiparang, a·jani manderangko didiataha.
