Shillong: Public garirang jedake bus, taxi aro gipin gipin garirango be·eno bilgrigipa manderangna gari pararangko komiatna u·iatani gita ua namgniko on·pachina a·bachengao dolgni dolrang, Director General of Police, Idashisha Nongrang-o dakchakaniko bi·ani ja·mano bil gnanggiparang ja·ku de·aha.
Ua chanchianina Transport Commissioner RP Marak, gari parako komiatani policy-ko raken ja·rikchina u·iataniko on·aha. Para salgipa garirangko be·eno bilgrigipa manderangko gari para badita ka·e ra·ahachim ua gita ra·srangjachina on·gimin ge·etaniko ja·rikchina ge·etaha. Bus Associations, Sumo ba Maxi Cab Associations, Taxi Drivers Associations, School Principals-ko man·chape kragipa association-rangko aro gipin gipin uamangni district-tangtango sorkarini u·iataniko u·iatskachina aro ja·rikchina gari watgiparangko aganaha.
