SHILLONG: Gambegre constitution-o by-election ong·atna nanenggipao NPP-ni party ticket-ko on·anio ning·joljol nanggrikani ong·enga ingipa kattarang jangengani bijangchio, anga by-election-o susana miksongani dongja ine party-ni a·gipi dilgipa James Sangma talataniko on·angaha.
“Gambegre bye-poll-o susana angni maming miksongani dongja. Party-ni tom·anirangon aro ning·joljol agangrikanirangko dakanion, angni susana miksongani dongja ingipa kattarangko talatman·aha” aganenba, tikit on·anio party-o bak ong·engaha ine koborrango ong·gija jangatanirangna Pa Sangma matange aganaha.
By-election-o susana gita sakdok saksnimangde party tikitna nidinggiparang dongenga ineba koborrango janapaha.
Iani bidingo janganirangko NPP chief Conrad Sangmaba jegalahachim.
