TURA: South Garo Hills a·jani Nongalbibra jolrango da·o mandeni jelbra jelsuani namen tang·doahani gimin 2001 bilsio kuligipa Nongalbibra Primary Health Centre (PHC)-ko da·o namdapatna nangengaha ine Garo Students Union (GSU) Nongalbibra unit, a·dokni Chief Minister Conrad K Sangma-na sedoataha.
Nongalbibra PHC-ko namdapatchina gita Chief Minister-ko didiatengon, Nongalbibra jolrango da·o mandeni jelbra jelsuani namen tang·doahaoba ia PHC-na agre sanna banani gipin cholrang dongjae sagipa ding·gipa manderangko sanna bananirango neng·nikanirangko chagrongna nangtokenga ine GSU Nongalbibra regional unit parakatenba, ia jolrango songdongenggipa manderangko sanna bananio nambate sanna banna man·na gita ia PHC-ko komibeoba 30 bedded PHC dake ra·doatchina Chief Minister-ko mol·molataha.
“Nongalbibra PHC-ko 2001 bilsiosa kuliaha aro ua somoirangode Nongalbibra jolrango songdongenggipa manderang indita bang·kujachim indiba da·ode Nongalbibra jolrango mandeni jelbra jelsusaani namen tang·dobataha indiba ia PHC-ode maming namdapanirang dongkujae manderang sanna bannanirangko ra·anio neng·nikanirangko chagrongna nangtokenga,” ine GSU Nongalbibra regional unit-ni dilgiparang parakatenba, ia PHC-ko komibeoba 30 bedded hospital dake ra·doatchina Chief Minister-ko didiataha.
Nongalbibra PHC-o chu·onga gita kam ka·giparangko donatchina gitaba GSU, a·dok sorkariko didiataha.
“Da·o dipet Nongalbibra PHC-o kam ka·giparang chu·ongjaengani a·sel dingtang dingtang kamrangko ka·anio namen neng·nikanirangko chagrongna nangtokenga maina PHC-o kam ka·gipa apsan manderangan pilak kamrangkon jako ra·na nangenga. Uni gimin ia PHC-o chu·onga gita doctor-rang, nurse-rang aro office-ni kamrangko ka·na gita LDA/UDA gita dakgipa kamrangkoba donatchina chinga mol·molenga,” ine GSU Nongalbibra unit-ni dilgiparang parakataha.
 |
ReplyForward
|
