AMPATI: Sukrobar salo, South West Garo Hills a·jani District Health Society, Dinangpara SSA skul kal·chakramo World Population Day-ko manidilangan baksana Stop Diarrhoea Campaign-koba ong·atangaha aro ia program-rangko South West Garo Hills a·jani Deputy Commissioner Hema Nayak, a·bachengate on·angaha.
Ia program-ko ong·atanio, South West Garo Hills a·jani Deputy Commissioner Hema Nayak, jinmana aganprakangengon, bi·sarangko ba·anio bilsi 3 ba bilsi gittam watchangna nangani gimin aro dingtang dingtang health centre-rango nokdang ba·ku dakani gimin agan-talate on·ani cholrangko aganangaha.
Bi·sarangni gisepo diarrhea sabisini man·e sianirang batroroengani gimin simsakbatna nangengani giminba Nayak aganangaha.
Bi·sarangko aro ma·giparangko an·seng baljoke rakkina nangani gimin aganangengon, songtangtango be·enna namgipa cha·anirangko cha·china SWGH-ni Deputy Commissioner, ma·a paarangko didiangaha.
Ia program-ko ong·atanio dongpae jinmana aganprakanggipa gipin manderangara, SWGH a·jani District School Education Officer I/c Tapos Marak, District Maternal & Child Health Officer aro District Malaria Officer I/c Dr Lydia Marak aro gipinrang ong·a.
Ia program-ko ong·atani bak gita dingtangmancha free health check-up camp-koba ong·atangaha aro ia health camp-ko ong·atanichi sak 200-mangni gita songni manderang, be·entangtangko indin porikka ra·e nina chol man·aha.
SWGH-o World Population Day aro Stop Diarrhoea Campaign-ko ong·ata
Date:
Share post:
