SHILLONG: Meghalaya a·doko National Green Tribunal (NGT)-ni gita niam gri koela bikotaniko champengatani a·sel koela bikotanio pangchake janggi tangenggipa manderang neng·nikanirangko chagrongna nangtokengani gimin Sukrobar salo, Shillong-ni MP Ricky AJ Syngkon, NGT-ni champengataniko ra·galpilchina ma·mong sorkariko didiangaha.
Parliament-ni session-o jinma chanchirimanio bak ra·angpaengon, Meghalaya a·doko koela gita dakgipa bosurangsan dongaiani gimin a·dokni manderang, iandakgipa bosturangon pangchake janggi tangna nanga aro iandakgipa kamrangchi an·tangtangni nokdangrangko aldumittangpaenga ine VPP-ni MP aganaha.
Meghalaya a·doko dal·dalgipa karkanarang aro game ge·e cha·ani cholrangba bang·ja ine janapatengon, a·doko koelarangchin kangal cholgri manderangde oktangtangko gapatpana chol man·engachim ine Syngkon aganaha.
Meghalaya a·dokko man·chengaoni bilsi 50 batpilengahaoba da·onan Meghalaya a·dokara a·songo cholgribatsranggipa a·dokrangoni gnigipa ong·enga ine janapatskaengon, a·doko niam gri koela bikotaniko champengatani ja·manba niam gri koelarangko bikotengkua aro ian dingtang dingtang dolrangni nangrime chalaienggipa sorkarinasa namgni ong·enga ine Shillong MP parakataha.
“Kangal cholgrirangde janggi tangani cholrang dongjaha indiba mitam politician-rangsa iandake niam gri koela bikotanichi namgnirangko man·skaenga,” ine Syngkon aganenba, a·doko niam gri koela bikotaniko chu·gimik champengatsrangchina ong·jaode, NGT-ni champenganiko ra·galsrangchina ma·mong sorkariko didiangaha.
Meghalaya a·doko niam gri koela bikotaniko 2014 bilsi dipetan NGT champengatahachim ine nikna man·a.
A·doko, NGT-ni koela bikotna champenganiko ra·pilchina Shillong MP didia
Date:
Share post:
