SHILLONG: A·dokni gitcham Chief Minister aro Meghalaya State Planning Board-ni Chairman Shri Salseng C Marak-ni a·gilsakko watanganina namen duk ong·a aro kalimpaa ine Meghalaya State Planning Board, aganaha.
Bilsi 1993-1998-ona uni Chief Minister ong·mitingo Salseng sagi, Meghalaya Economic Development Council-ko rikanio dal·en on·gilaha.
Bilsi 2013 March jaoni bilsi 2018 January jaon Meghalaya State Planning Board-ni Chairman ong·mitingo Salseng sagi nambee an·tangko a·dokni manderangna on·kange kam ka·angaha. Uni so-moion a·dokni dingtang dingtang jolrango rama-rangko tarina agan-ku·pattiaha.
