TURA: NEHU Tura Campus-o dikdiksana ka·-enggipa non-teaching staff-rang, batanggimin bilsio All NEHU Workers Union baksa iani gita agreement-o uamangni dabienggipao soi ka·ang-genchimoba authority-rangni kam ka·jaenganina ka·oangangaha, jeon India sorkarini u·iatanio niamko dongipa baksa parakatanio worker-rangna gamna ka·dongatgipa donga.
“Ia dakgrikani batang-gimin bilsi 6-oni dak-grikbaengaha indiba NEHU-ni administration chingni ku·rachakgipa kattao pangchake dabi-enggipako nichange kamko ka·angkuenga.
Mejamangmang, NEHU authority-rang 2023 bilsini May 29 tariko Regional Labour Commissioner (Central), Guwahati-ni office-o All NEHU Workers Union baksa Memorandum of Settlement-o soi ka·aha.
Settlement-o rongtalen janapaha jeon worker-rang India sorkarini u·iatanio niamni gita dongipa baksa pangchakanio tangka paisarangko man·anggen,” ine settlement-o seako NEHU Tura Campus Staff Welfare Association-ni president, T G Momin aganaha.
Momin-ni parakatani gitade, ja 15-ni gita gapgipako NEHU settlement-o ku·rachakatangako mande ra·angna man·jaha. Momin-ni parakatani gitade, settlement-ko chu·sokatjanina RLC (Central) Guwahati-ni gita NEHU authority-rangna chang-gittamna aganchakaniko on·china lekkako soataha.
