SHILLONG: Khasi Hills Autonomous District Council (KHADC) aro Jaintia Hills Autonomous District Council (JHADC)-ni term-ko sorkari, da·o jadokna ra·dodaptaiahani gimin United Democratic Party (UDP)-ba iako suk ong·bregija ra·chakangaha.
“A·bachengonin chingni MDC-rang, election-ko somoi gita ong·atchina nangniktokengachim indiba delimitation kamrang matchotkujaengani a·sel da·o term-ko jadokna ra·dodaptaiahani gimin chinga election-na sengtaina nanggnok,” ine UDP-ni general secretary Jemino Mawthoh parakataha.
Delimitation ba constituency sualpiltaiani kamrangko iana bate ra·dodaptaijawaha ine an·tangni ka·dongchakenganiko parakatskaengon, election-ko somoi gita ong·atna kamrangko bakan matchotna nanga ine Mawthoh aganaha.
KHADC aro JHADC-ni election-ko re·baenggipa 2025 bilsini March 5 tariko ong·atskana nangengachim.
KHADC (Constitution of District Council) (Amendment) Rules, 2024, aro JHADC (Constitution of District Council) Amendment Bill, 2024-ko a·dokni Governor CH Vijayashankhar ra·chakangani ja·man KHADC aro JHADC-ni election-ko ong·atna skang, constituency-rangko sualpiltaina a·bachengatahachim.
Indake ong·engon, KHADC aro JHADC-ni election-ko ong·atna sikjaengani giminsa ia district council damgnini term-ko ra·dodaproroenga ine dingtang dingtang dolrangni matnanganiko sorkari jegalataha.
Iani bidingo talataniko on·angengon, election-na kamrangko ka·samsoanio kamrang bang·ani giminsa district council damgnini term-ko ra·dodaptaina nangao ga·akaha ine adita salrangna skangsan, a·dokni Deputy Chief Minister aro District Council Affairs (DCA) Minister Prestone Tynsong parakatahachim.
Constitution-ni Sixth Schedule-o dongimin niamrangko janapatengon, obostani kri district council-ni term-ko ra·dodapna nanggenchimode term-ko ja 12-ona kingkingan a·dokni Governor ra·dodapna man·aia ine Tynsong talataniko on·angaha.
 |
ReplyForward
|
