SHILLONG: Meghalaya a·dokni a·palrangoniko aro a·dok gita Bangladesh a·song baksana gipin a·dokrangoa salenga ine pa·sikna man·jana gita niam gri bikotgipa koelarangko salna on·jachina Justice (Retd) BP Katakey-ni dilanichi Meghalaya High Court-ni songe on·gipa committee, a·dok sorkarina ku·pattianiko on·angaha.
Gipin a·dokrangoniko Meghalaya a·dokona aro Meghalaya gita Bangladesh aro gipin a·dokrangona koela salani niamrangko taridapani bidingo janapatengon, gipin a·dokrangoniko Meghalaya-ona aro Meghalaya gita Bangladesh a·songona koela aro gipin a·ningni bosturangko salna niamrangko da·o tarikuenga aro bakan ia niamrangko u·iatgen ine Mining & Geology department-ni Secretary, Katakey Committee-na u·iataha.
Borsora, Bagli aro Charragaon-o smart integrated check gate-ko songani bidingo janapatskaengon, South West Khasi Hills a·jani Nonghyllam-o seokgimin PWD-ni a·ara smart integrated check gate-ko kulina gita namgipa biap ong·ja ine Joint inspecting team nikaha ine Katakey Committee-na u·iataha.
Indake ong·engon, koela salani niamrangko ra·gatna gita smart integrated check gate-rangko nangchongmotengani gimin namgipa a·a sandiskachina aro Meghalaya a·doko niam gri koelarangko bikotna man·jana gita kamrangko ka·china Katakey Committee, ku·pattianiko on·ataha.
