TURA: West Garo Hills District-ni sima ari sepang jolo Rajshahi district-oni Md. Sayed bilsi 30 ong·gipa aro Chapainawabganj district-oni bilsi 23 ong·gipa Taharul Islam Bangaldesh a·songoni sakgni manderangko Meghalaya BSF, 22nd Battalion dol apsan nangrime 2024 November 26 salo am·-sandianiko dakani somoio rim·aha.
Sing·sandianiko dakani somoio, sakgnian an·tang-tangko parakangaha jeon uamang West Bengal-ni Murshidabad-o donggipa sima ari gita India-ona napaha, komibeoba uamang ja 6-na skangan India a·songona napaha. Uamang Chennai-ona songreangaha jeon uamang nok rika cho·anio kam ka·angaha. Sakgnini kosakon badi ka·aha aro uamangko mikkangchi rakbate ja·ku de·angchina Dalu Police station-na pakwate on·angaha.
