TURA: Sub-National Immunisation Day (SNID)-na Polio Immunisation Booth-ko Sombar salo, Tura-ni Matchakolgre Community Hall-o a·bachengate on·aha.
Ia Polio Immunisation Booth-ko a·bachengate on·anganio, Tura-ni Auxiliary Bishop Most Reverend Jose Chirackal, mongsonggipa sokgipa ong·e bak ra·angaha.
Ia Polio Immunisation program-ko a·bachengatanio, West Garo Hills a·jani Deputy Commissioner Jagdish Chelani, Health Services Garo Hills Division-ni Joint Director S Boro, West Garo Hills-ni District Medical & Health Officer Dr Jakrambal A Sangma, gipin medical officer-rang, jolo songdongenggipa ma·a paarang aro bi·sarangba dongpae bak ra·angtokaha.
Ia tom·anio, SNID-ni Nodal Officer B Mawlong, ia program-ko ong·atani bidingo jinmana talate on·angengon, atchidaldaloni bilsi 5-ona kingking bi·sarangna ia immunization program-o Polio samrangko kanchina aro an·tangtangni bi·sarangko Polio saaoniko naljokatchina, ma·a paarangko didiangaha.
Ia Polio Immunisation program-ko a·bachengatanio, Tura-ni Auxiliary Bishop Most Rev Jose Chirackal aro West Garo Hills-ni Deputy Commissioner Jagdish Chelani, bi·sarangna polio samrangko kane on·angaha.
